Advent Ganz Kempte strahlt im Lichterglanz Am Rathausplatz det dunde Dr Weihnachtsmarkt – isch des a Danz Do hamm sich d Händler gfunde Dr Glühwei heiß und d Wurscht isch fett Dia Kind fahrn Karussell Dr Guatsles Ma glei nebedett Füllts Diatle voll, ganz schnell Danoch no gschwind in d Stadt neigrennt Zum Weihnachtsgschenkle kaufe Koi Mensch denkt dra, dass dr Advent A Zeit wär zum Verschnaufe A Zeit zum ruig sei, warte, lose Was kutt vo inne raus Doch d uruig Welt mit ihrem Tose Dringt bis ins letzte Haus Kaum oiner legt no d Händ in Schoß Und isch a Weile still Und denkt mol an des Kindle bloß Des zu uns komme will. Losst sich drbei durch garnix störe Macht zua no Aug und Ohr Dann kannr au dia Engel höre Dia gsunge hamm im Chor: De Mensche Friede, m Herrgott Ehr! Wer hält sich heit no dra? Dr Auftrag wär doch it so schwer Wann fang mr endlich a?
Allgäu