Ma sott…Ma sott no gschwind durs Städtle laufe! Ma sott no waile Gschenkla kaufe! Ma sott au no de Chrischtbaum holle und d` Gaus hätt ma no bsorge solle! Bis Weihnachte isch`s numma lang und jeda hot no `s größre Gschprang! Weihnachtsmarkt und Kaufhaustrubel, bunte Liachtla, `s rollt de Rubel. Jeds Johr denksch, es wird ruhiger heier, bloß do und dett a Weihnachtsfeier. Doch des und `s seal kut zwischenei – und scho hosch meh die 'Sottarei'! Sott ma it lieber mitnand schwätze, statt dur de zehnte Lade hetze? Sott ma it besser mitnand singe, statt noch de gröschte Gschenker springe? Sicher isch a Päckle schee, doch was ma braucht, des hot ma eh! Am beschte – deicht`s mi – schenkt ma heit, was jedem a`goht – a wing Zeit!
Allgäu